अपघातात दोघांचा मृत्यू; अपघातग्रस्त ट्रॅक्‍टर रस्त्यावर उभे झाला दुसरा अपघात

नंदुरबार : नंदुरबार– खांडबारा रस्त्यावर बिजादेवी येथील हॉटेलजवळ ट्रॅक्टर आणि मोटरसायकलीचा अपघात झाला. यात एका युवकाचा रुग्णालयात उपचारादरम्‍यान मृत्यू झाला. तर दुसऱ्या घटनेमध्ये आपघातग्रस्त ट्रॅक्टर तसेच उभे असल्याने त्याचा अंदाज न आल्याने मोटर सायकलस्वार त्यावर आदळून झालेल्या दुसऱ्या आपघतातही  एकाचा मृत्यू झाला आहे. एकाच जागेवर दोन वेळा झालेल्या अपघातामुळे नागरिकांमध्ये संतापाचे वातावरण निर्माण झाले 

नंदुरबार– खांडबारा रस्त्यावर बिजादेवी येथे ट्रॅक्‍टर व मोटारसायकलीचा अपघात झाला. या अपघातात  जखमी झालेल्या दिलीप सुदाम देसाई (वय 39) यांच्या डोक्याला गंभीर दुखापत झाली होती. यामुळे त्याला 108 रुग्णवाहिकेने नंदुरबार जिल्हा रुग्णालयात दाखल केले. वेळेवर उपचार न झाल्याने त्याचा मृत्यू झाल्याचा आरोप नातेवाईकांनी केला आहे.

अन्‌ ट्रॅक्‍टरवर दुचाकी धडकली

दुसरीकडे अपघातग्रस्त ट्रॅक्टर बाजूला करण्यासाठी पोलिसांनी प्रयत्न केले. मात्र मोठा तांत्रिक बिघाड आणि भरलेले ट्रॅक्टर असल्याने त्याला रोडावरून बाजूला करताना अनेक अडचणी येत आहेत. यामुळे उभ्‍या ट्रॅक्‍टरवर दुचाकी येवून धडकली. यात दुचाकीस्‍वाराचा मृत्‍यू झाला.