सांगली शहरात अमली पदार्थांची तस्करी सुरू असल्याची माहिती पोलिसांना मिळाली होती. त्या अनुषंगाने पोलिसांनी कारवाई सुरू केली होती. पोलिसांना गोपनीय माहिती मिळाली की, अप्पा मलूगे याच्याजवळ ३ किलो गांजाचा साठा आहे. त्यानंतर पोलिसांनी त्याच्या घरावर छापा टाकून त्याच्याकडून ३ किलो गांजासह त्याला अटक केली आहे. त्याच्याविरुद्ध अमली पदार्थ कायद्यातील तरतुदीनुसार विश्रामबाग पोलीस ठाण्यात गुन्हा दाखल करण्यात आला आहे.
