हल्ल्यात जखमी झालेल्या संजय बियाणी आणि त्यांच्या चालकाची प्रकृती चिंताजनक आहे. गोळीबाराच्या या घटनेने शहरात तणावाचे वातावरण आहे. संजय बियाणी हे नांदेडमधील मोठे प्रस्थ असून खंडणी वसुलीसाठी किंवा व्यावसायिक स्पर्धेतून हा गोळीबार झाल्याचा प्राथमिक अंदाज आहे.
दरम्यान, गोळीबाराची घटना cctv मध्ये टिपली गेली आहे का? याचा तपास पोलिस घेत आहेत. नांदेडमध्ये गावठी पिस्तुलांचा सुळसुळाट झाला आहे. गोळीबाराच्या घटना आता अगदीच सामान्य होत चालल्या आहेत. त्यामुळे कायदा आणि सुव्यवस्थेचे धिंडवडे निघाले आहेत. आजच्या या घटनेनंतर शहरातील व्यापारी वर्गात मोठी दहशत पसरलीय.
