धुळ्याकडून शिरपूरकडे भरधाव जाणाऱ्या अज्ञात वाहनाने सदर वाहनाला उजव्या बाजूने धडक दिली. या अपघातात दहा ते पंधरा वऱ्हाडी जखमी झाले आहेत. जखमींना तातडीने सोनगीर टोल येथील रुग्णवाहिकेतून जिल्हा रुग्णालयात पाठविण्यात आले. अपघात झाल्याचे लक्षात येताच महामार्गावरून प्रवास करणाऱ्या वाहनधारकांनी व परिसरातील नागरिकांनी तात्काळ धाव घेत बचाव कार्य करण्यास मदत केली आहे.
सुर्देवाने मोठी दुर्घटना टळली
वऱ्हाडी नेत असलेल्या आयशर ट्रकला झालेला अपघात ओव्हरटेक करण्याच्या नादात झाला असल्याची प्राथमिक माहिती समोर आली आहे. यासंदर्भात महामार्ग पोलीस त्याचबरोबर धुळे तालुका पोलीस पुढील तपास करीत आहेत. सुर्देवाने या अपघातात जीवितहानी टळली आहे
