वरखेडी येथील अविनाश भोई असे मयत तरूण शेतकऱ्याचे नाव असून त्यांच्याकडे एक एकर जमीन आहे. वरखेडी शिवारातील आपल्या शेतातील पिकांवर 30 जुलैला किटक नाशकाची फवारणी करत असताना त्यांना भुरळ येऊन त्यांची शुद्ध हरपली. त्यांना तात्काळ पाचोरा येथे खाजगी रुग्णालयात उपचारार्थ दाखल करण्यात आले होते. मृत्यूशी झुंज देत असतानाच 1 ऑगस्टला सायंकाळी त्यांना मृत्यू ओढवला.
घरातील कर्ता गेला
घरातील कर्ता तरूण गेल्याने भोई कुटुंबीय कमालीचे खचले आहेत. आाता घरात कमावता पुरूष राहिलेला नाही. मयत अविनाश भोई यांच्या पश्चात आई, वडील, तीन बहिणी असा परिवार आहे. पाचोरा पोलिसांनी अकस्मात मृत्यूची नोंद केली आहे.
