शिक्षक पात्रता (टीईटी) परिक्षेचे राज्यात सात हजार ८७४ जणांचे टीईटी प्रमाणपत्र बोगस असल्याचे आढळून आले आहे. त्यात प्राथमिक शाळांमधील ५७६ शिक्षकांचा समावेश आहे. याबाबत पोलिसांकडून संबधितांवर गुन्हे दाखल करून चौकशी केली आहे. त्यात नंदुरबार जिल्ह्यात माध्यमिक शिक्षण संस्थेतील १७ शिक्षकांबरोबरच आता जिल्हा परिषद प्राथमिक शाळा, नगरपालिका प्राथमिक शाळा व खासगी संस्थांचा प्राथमिक शाळेतील दहा शिक्षकांवर कारवाई करण्यात आली आहे. त्यांचे ऑगस्टपासून वेतन बंद करून त्यांचा शालार्थ आयडी गोठविण्याचे आदेश देण्यात आले आहेत.
शिक्षकाचे नावे अशी
नीलेशकुमार छोटूलाल चौधरी, ज्योती अशोक पाटील, चेतन महेंद्र पाटील (सरदार पटेल प्राथमिक शाळा, नंदुरबार), दीपश्री राजेंद्र माळी, दीपिका हितेश शाह (आदर्श विद्या मंदिर, नंदुरबार), प्रदीप साहेबराव शिंदे (कै.हेमलताताई वळवी प्राथमिक विद्या मंदिर, विसरवाडी), नितीन मुरलीधर साळुंखे (व्ही. के. शाह प्राथमिक शाळा, नगरपालिका), गौरव प्रभाकर पाटील (विकास प्राथमिक विद्या मंदिर, शहादा), अबसर अहमद मोहम्मद हनिफ शेख (उर्दू प्राथमिक शाळा, शहादा), सुदाम बापू मुजगे (श्री मोती प्राथमिक विद्या मंदिर, तळोदा) यांचा समावेश आहे.
