नवीन इमारतीची पाहणी करण्यासाठी जगताप कुटुंब गेले होते, मात्र फोन आला म्हणून गडबडीत ती बाजुला गेली आणि पाचव्या मजल्यावरुन खाली कोसळली.
पुणे जिल्ह्यातील सासवड येथून धक्कादायक घटना समोर आली आहे. सासवड येथील बांधकाम व्यावसायिक सुनील नाना जगताप यांची मुलगी इमारतीच्या पाचव्या मजल्यावरून पडल्याने तिचा दुर्देवी अंत झाला. नवीन इमारतीची पाहणी करण्यासाठी सर्व कुटुंबासोबत ती आली होती, मात्र फोन आला म्हणून गडबडीत ती घेण्यासाठी गेली आणि खाली कोसळली. या घटनेने सासवड परिसरात खळबळ उडाली असून कुटुंबावर दुःखाचा डोंगर कोसळला आहे.
अनुष्का जगताप (वय २१ वर्ष) असे मृत्युमुखी पडलेल्या तरुणीचे नाव आहे. २ एप्रिल रोजी ही घटना घडली असून ती फोन घेण्यासाठी गेली असताना इमारतीच्या पाचव्या मजल्यावरून पडली. त्यानंतर तिला उपचारासाठी पुण्याच्या खाजगी रुग्णालयात दाखल करण्यात आले होते. मात्र गंभीर मार लागल्याने तिचा दुर्दैवी मृत्यू झाला आहे.
याबाबत अधिक माहिती अशी की, सासवड परिसरात जगताप हे बांधकाम व्यावसायिक म्हणून प्रसिद्ध आहे. २ एप्रिल रोजी ते आपल्या कुटुंबीयांसोबत आपल्या नवीन बांधलेल्या इमारतीची पाहणी .करण्यासाठी गेले होते. त्यांच्यासोबत अनुष्का देखील गेली होती. मात्र फोन आला म्हणून ती गडबडीत खाली येत असताना पडली. त्यात तिला गंभीर दुखापत झाली होती. तिला उपचारासाठी पुण्यातील खाजगी रुग्णालयात दाखल करण्यात आले होते. मात्र गंभीर मार लागल्याने तिचा उपचारादरम्यान मृत्यू झाला आहे.
ठाण्यातील राड्यानंतर रोशनी शिंदे यांच्या विरोधात दोन गुन्हे दाखल
अनुष्काने सासवडच्या वाघिरे महाविद्यालयातून बीएसस्सी पदविका पूर्ण केली होती. तिच्या निधनाने सासवडसह त्यांच्या मूळ गावात ताथेवाडी येथे दुःखाचा डोंगर कोसळला आहे. सासवड येथील श्री शिवाजी शिक्षण प्रसारक मंडळाचे संचालक शरद जगताप यांची अनुष्का पुतणी होती. अनुष्काच्या निधनाने तिच्या मित्र परिवारात दुःख पसरले असून सर्वांना धक्का बसला आहे.
