एका बँकेत सहाय्यक व्यवस्थापक स्थापत्य अभियंता पदावर कार्यरत महिलेला अश्लील व्हॉइस मेसेज पाठविण्यात आला. "आय लव यू जानेमन, तेरा फोटो देखके तेरे पे मेरा दिल आ गया" असे म्हणत महिलेचा विनयभंग केल्याचा आरोप आहे. फिर्यादी महिलेला एकूण आठ व्हॉइस मेसेज पाठविण्यात आले. ही घटना अमरावतीतील कोतवाली ठाण्याच्या हद्दीत घडल्याचं उघडकीस आलं आहे. या प्रकरणी ठाणे येथील रहिवासी आरोपीविरुद्ध गुन्हा दाखल करण्यात आला आहे.
राजेश मिश्रा (रा. ठाणे) असे गुन्हा दाखल करण्यात आलेल्या आरोपीचे नाव आहे. अमरावती शहरात एका बँकेत सहाय्यक व्यवस्थापक स्थापत्य अभियंता या पदावर कार्यरत असलेल्या महिलेकडे शाखांच्या नूतनीकरणाची जबाबदारी आहे. त्या अनुषंगाने एका बँक शाखेच्या नूतनीकरणाचे काम ठाणे येथील एका कंपनीला देण्यात आले. त्या कंपनीचा प्रतिनिधी म्हणून आरोपी राजेश मिश्रा काम पाहतो. त्यामुळे संबंधित महिलेसोबत त्याची ओळख झाली. त्यातून त्याने ७ एप्रिल रोजी महिलेला व्हॉईस मेसेज पाठवले
तो वृद्ध इंजिनिअर ६५ ते ७० वर्षांचा असून आणखी पाच ते दहा वर्षे जिवंत राहिल. तुझा फोटो पाहून माझे तुझ्यावर मन आले आहे' असे त्यात नमूद होते. अशा प्रकारे त्याने एकूण आठ व्हॉइस मेसेज महिलेला पाठवले. मेसेज ऐकताच महिलेला धक्काच बसला. ते मेसेज तिने तात्काळ आपल्या मित्राला पाठविले. त्यानंतर थोड्याच वेळात राजेश मिश्रा याने ते डिलीट केले.
राजेश मिश्राने एवढ्यावरच न थांबता महिलेच्या सहकाऱ्याच्या व्हॉट्सअॅपवरही व्हॉइस मॅसेज पाठविला. त्यात महिलेसह तिचा अन्य एक सहकारी गायब असल्याने काम कसे करायचे ते समजत नसल्याचे म्हटले. त्याने महिलेशी एक मिटिंग करवून द्या, असेही म्हटले. या प्रकरणी पीडित महिलेने कोतवाली ठाण्यात तक्रार दाखल केली. तक्रारीवरून राजेश मिश्राविरुद्ध गुन्हा दाखल करण्यात आला असून पुढील तपास सुरू आहे.
