धुळ्यात नेमकं काय घडलं?
'मुझे आपसे प्यार है, मै आपको पसंद करता हूँ' यासारखे अश्लील मेसेज नितीन पाटील हा कंपनीत काम करणाऱ्या महिलेला करत होता. याबाबत महिलेने त्याला समज दिल्यानंतरही त्याने अश्लील मेसेज पाठवणं बंद न केल्याने त्याला धडा शिकवण्यासाठी संबंधित पीडित महिलेने आपल्याकडे तक्रार केली आणि आज ठाकरे गटाच्या पदाधिकाऱ्यांनी कंपनीमध्ये जाऊन या ब्रँच मॅनेजरला चांगलाच चोप दिला. तसेच असे कोणासोबत घडत असेल तर त्याची गय केली जाणार नसल्याचा इशारा शुभांगी पाटील यांनी यावेळी दिला.
दरम्यान, आत्तापर्यंत पाच महिलांनी नितीन पाटील याच्या जाचामुळे राजीनामे दिले असून अशा प्रकारे कोणाला आपल्या कामाच्या ठिकाणी त्रास दिला जात असेल तर समोर येऊन तक्रार करावी असं आवाहन पदाधिकाऱ्यांकडून करण्यात आलं आहे.
दरम्यान, या प्रकरणी पीडित महिलेने आझाद नगर पोलीस ठाण्यामध्ये दिलेल्या फिर्यादीनुसार गुन्हा दाखल करण्यात आला असून पुढील कारवाई पोलीस करत आहेत. तर या असिस्टंट ब्रँच मॅनेजरला ठाकरे गटाच्या महिलांनी चोप दिल्याने धुळे शहरातील महिलांकडून त्यांच्या या कारवाईचं स्वागत केलं जात आहे. तर महिलांना त्यांच्या कर्तव्याच्या ठिकाणी मानसिक व शारीरिक त्रास देणाऱ्यांचे धाबे दणाणले आहे.
