नवी मुंबईत एक धक्कादायक घटना घडलीय. बृहन्मुंबई महानगरपालिका कॉर्पोरेशनमध्ये नोकरी करणाऱ्या एका २५ वर्षीय तरुणीवर दोन वर्षापासून अत्याचार होत होता. याप्रकरणात अहमदनगरमधील एका व्यक्तीविरोधात तक्रार नोंदवण्यात आलीय. मिळालेल्या माहितीनुसार, अत्याचार करणारा आरोपी हा तरुणीला ब्लॉकमेल करत होता.
पीडिता बीएमसीमध्ये नोकरीला आहे, तर आरोपी व्यक्ती हा अहमदनगरमधील राहणारा आहे. तरुणीने अत्याचाराची तक्रार कामोठे पोलीस स्टेशनमध्ये दाखल केलीय. तरुणीने दिलेल्या तक्रारीनुसार, आरोपी व्यक्तीने तरुणीशी आधी मैत्री केली. तिचा विश्वास संपादन केल्यानंतर त्याने तिच्यावर वारंवार अत्याचार केला. सलग दोन वर्षांपासून या व्यक्तीने तरुणीवर अत्याचार केला. बदनाम करण्याची धमकी देत हा व्यक्ती तरुणीवर वारंवार अत्याचार केला होता
४ वर्षीय चिमुकलीवर सुरक्षारक्षकाने केला अत्याचार
मुंबईत चार वर्षीय चिमुकलीवर लैंगिक अत्याचार झाल्याची घटना काही दिवसांपूर्वी झाली होती. पीडित मुलगी शिकत असलेल्या नर्सरीच्या सुरक्षा रक्षकानेच हे दुष्कृत्य केलं. पोलिसांनी आरोपी सुरक्षा रक्षकाला अटक याप्रकणात अटक केली. ही घटना . कांदिवली परिसरात घडली होती. आरोपीने चॉकलेट देण्याच्या बहाण्याने स्वच्छतागृहात नेऊन चिमुरडीवर लैंगिक अत्याचार केल्याची तक्रार पोलीस स्टेशनमध्ये दाखल करण्यात आली होती.
अल्पवयीन विद्यार्थिनीवर ५९ वर्षीय व्यक्तीकडून लैंगिक अत्याचार
पिंपरी चिंचवडमध्ये एका अल्पवयीन विद्यार्थिनीवर लैंगिक अत्याचार झाल्याची घटना काही दिवसांपूर्वी घडली होती. एका ५९ वर्षीय व्यक्तीने विद्यार्थिनीवर अत्याचार केला होता. घटनेबाबत मिळालेल्या अधिक माहितीनुसार, रावेत परीसरातील एका अकॅडमीच्या संचालकानेच हे कृत्य केलं होतं.
