तेव्हा दुचाकीवरील दोघांनी माळी यांना चाकूचा धाक दाखवून त्यांच्याकडील आठ हजारांचा मोबाईल हिसकावून नेला. या प्रकरणी शुक्रवारी आझादनगर पोलिसांकडे गुन्हा दाखल झाला. तक्रारदार माळी यांनी चोरट्यांच्या केलेल्या वर्णनाप्रमाणे, तसेच यापूर्वी वरखेडी फाटा येथे चोरीच्या घडलेल्या घटनांचा पोलिस निरीक्षक निवृत्ती पवार व शोध पथकाने आढावा घेतला.
त्यानुसार गुन्हेगार सराईत असल्याने रोज वरखेडी फाटा व महामार्ग उड्डाणपुलावर गस्त सुरू केली. त्यात अर्शद शाह लियाकत शाह (रा. काझीचे शेत, नटराज टॉकीजजवळ, धुळे) व त्याचा साथीदारांनी गुन्हा केल्याची माहिती पोलिसांना मिळाली.
पोलिस पथकाने अर्शद शाह यास ताब्यात घेतले. चौकशीत त्याने हा गुन्हा साथीदार अरबाश शाह सुबराती शाह (रा. काझी प्लॉट, धुळे) याच्यासह केल्याची कबुली देत लुटीतील आठ हजारांचा मोबाईल काढून दिला. तसेच अर्शद शाह याने पोलिस कोठडीत साथीदार अब्दुल फरहान अब्दुल खालिद (रा. वडजाई रोड, धुळे) व अरबाश शाह सुबराती शाह याच्यासह मोहाडी पोलिस ठाणे हद्दीत रानमळा रोड, पाटीलवाडा हॉटेल.
तसेच रेसीडेन्सी हॉटेलजवळ दोन दुचाकी, ६० हजारांची रोकड व मोबाईल लुटल्याची कबुली दिली. अर्शद शाह याने साथीदारांसह मोहाडी पोलिस ठाणे हद्दीत पूर्वी केलेल्या तीन गुन्ह्यांची उकल करण्यात आली. त्याचा साथीदार अब्दुल फरहान अब्दुल खालिद याला अटक करण्यात आली.
संशयित दोघांकडून आठ हजारांचा मोबाईल, एमएच १८, एजे ९३५३ आणि एमएच १८, बीक्यू ९१४८ क्रमांकाची दुचाकी, चॉपर जप्त करण्यात आला. ही कारवाई पोलिस अधीक्षक श्रीकांत धिवरे, अपर पोलिस अधीक्षक किशोर काळे, सहाय्यक पोलिस अधीक्षक एस. ऋषिकेश रेड्डी यांच्या मार्गदर्शनाखाली आझादनगर पोलिस ठाण्याचे निरीक्षक निवृत्ती पवार.
मोहाडी पोलिस ठाण्याचे निरीक्षक शशिकांत पाटील व पथकातील पोलिस उपनिरीक्षक समाधान सुरवाडे, हवालदार योगेश शिरसाट, गौतम सपकाळे, शांतिलाल सोनवणे, संदीप कढरे, अनिल शिंपी, अझरुद्दीन शेख, पंकज जोंधळे, मकसूद पठाण यांनी केली.
