कित्येक तरुण-तरुणी शिक्षण, कामानिमित्त आपल्या घरापासून, कुटुंबापासून दूर मित्रमैत्रिणींसोबत एखाद्या रूममध्ये एकत्र राहतात. त्यामुळे तरुण-तरुणी एकाच खोलीत एकत्र राहणं काही नवं नाही. पण हरयाणातल्या एका खोलीत 8 मुलं आणि 4 मुली राहत होत्या, त्या रूमवर पोलिसांनी छापा टाकला आणि तिथलं दृश्य पाहून त्यांनाही धक्का बसलं.
गुरूग्राममधील हे प्रकरण आहे. गुरुवारी सकाळी पोलिसांनी सेक्टर 18 येथील एका घरावर छापा टाकला. 4 राज्यांतील 8 मुलं आणि 4 मुली इथं दिवसभर राहत होते. रूमचा दरवाजाचा उधडताच समोर जे दिसलं ते पाहून पोलीसही चक्रावून गेले. घटनास्थळावरून 4 मुलींसह 11 जणांना पोलिसांनी अटक केली. तसंच 7 मोबाईल फोन, सिमकार्ड आणि 2 सीपीयू जप्त केले आहेत.
तरुण-तरुणी खोलीत करायचे काय?
आरोपींनी चौकशीदरम्यान सांगितलं की, ते गुगलवर हर्बल लैंगिक औषधांची ऑनलाइन विक्री करण्याच्या नावाखाली जाहिराती देत असत. लोकांनी जाहिरातीत दिलेल्या क्रमांकांवर संपर्क साधला असता, ते ऑर्डर घेऊन वेगवेगळ्या बँक खात्यात पैसे जमा करायचे, पण वस्तू पोहोचवायचे नाही. इतकंच नाही तर ते क्यूआर कोड/यूपीआय आयडीद्वारे जीएसटी चार्ज, पॅकिंग चार्ज, कुरिअर चार्जच्या नावाखाली ग्राहकांकडून पैसे घेत असत. आरोपी हर्बल लैंगिक औषधं बेकायदेशीरपणे विकण्यासाठी फोनवर बोलत असल्याचं पोलिसांना आढळून आलं.
आरोपींविरोधात गुन्हा दाखल
आरोपी गेल्या एक वर्षापासून कॉल सेंटरच्या माध्यमातून फसवणूक करत असल्याचं पोलिसांच्या चौकशीत उघड झालं आहे. आरोपींना 15,000 रुपये पगार आणि फसवणूक करून मिळवलेल्या रकमेपैकी 5% रक्कमही प्रोत्साहन कक्षात देण्यात आली. गुरूग्राम पोलिसांनी हर्बल औषधांची ऑनलाइन विक्री करण्याच्या नावाखाली फसवणूक करणाऱ्या या कॉल सेंटरचा पर्दाफाश केला आहे. पोलिसांनी सर्व आरोपींविरुद्ध भादंवि कलम 420, 120-बी अंतर्गत गुन्हा दाखल केला आहे.
आरोपींची नावं
श्याम दुबे, रहिवासी गाव जोडा, जिल्हा मुरैना
आदर्श कुमार सिंग, रा. आंबेडकर कॉलनी, वसंत विहार, दिल्ली
कुशल रोहिल्ला, रा. खेडला, गुरुग्राम
पियुष चौहान, रा. बिजोरी गाव जिल्हा बदाऊन, यूपी
विवेक चोप्रा, रा.एन.आय.टी. फरीदाबाद
गुलशन कुमार, रहिवासी गाव दहीबट्टा
राजकुमार, रा. गाव डेरा मेहरौली, दिल्ली
पूजा चौहान रा. शिव कॉलनी, झोटवारा जयपूर
भावना रा. भिवानी
अनामिका राजकुमार. ग्वाल्हे
