अनगर नगरपंचायतीच्या नगराध्यक्षपदाच्या निवडणुकीत मंगळवारी मोठी राजकीय उलथापालथ झाली. उपमुख्यमंत्री अजित पवारांच्या राष्ट्रवादीकडून अर्ज दाखल केलेल्या उज्ज्वला थिटे यांचा अर्ज छाननीत बाद करण्यात आला. यानंतर भाजप नेते राजन पाटील यांच्या समर्थकांनी जल्लोष केला असून बाळराजे पाटील यांनी अजित पवारांना थेट आव्हान दिलं आहे.
सोलापूर जिल्ह्यात मोहोळ तालुक्यातील अनगर नगरपंचायतीच्या नगराध्यक्षपदाची राज्यभर मोठी चर्चा झाली. या निवडणुकीत उपमुख्यमंत्री अजित पवार यांच्या राष्ट्रवादीकडून उमेदवारी अर्ज दाखल केलेल्या उज्ज्वला थिटे यांचा अर्ज बाद झाल्यानंतर अनगर गावात भाजप नेते आणि माजी आमदार Rajan Patil यांच्या समर्थकांनी जल्लोष साजरा केला. राजन पाटील यांचे चिरंजीव विक्रांत पाटील(बाळराजे पाटील) यांनी जल्लोष साजरा करताना थेट Ajit Pawar यांना चॅलेंज केलं आहे. "अजित पवार...सगळ्यांचा नाद करायचा, पण अनगरकरांचा नाद नाही करायचा," असा हल्लाबोल विक्रांत पाटील यांनी केला आहे.
राष्ट्रवादी शरदचंद्र पवार पक्षाचे अध्यक्ष शरद पवार यांचे निष्ठावंत अशी ओळख असलेल्या राजन पाटील यांनी राष्ट्रवादीच्या फुटीनंतर शरद पवारांची साथ सोडत अजित पवारांसोबत जाणं पसंत केलं. मात्र अजित पवारांनी उमेश पाटलांना बळ दिल्याने राजन पाटलांनी नुकताच भाजपमध्ये प्रवेश केला. स्थानिक स्वराज्य संस्थांच्या निवडणुकीच्या तोंडावर पाटील यांनी कमळ हाती घेतल्याने अनगर नगरपंचायत निवडणुकीत नक्की होणार, याची उत्सुकता होती. कारण मागील अनेक दशकांपासून येथील निवडणूक बिनविरोध होत आहे. आधी ग्रामपंचायत असलेल्या अनगरची नगरपंचायत झाल्यानंतर होत असलेली ही पहिलीच निवडणूक आहे. या निवडणुकीत नगरपंचायत सदस्य तर बिनविरोध म्हणून निवडून आले, मात्र नगराध्यक्षपदासाठी राजन पाटील यांच्या सुनेविरोधात उज्ज्वला थिटे यांनी अजित पवारांच्या राष्ट्रवादीकडून अर्ज दाखल केला होता. त्यामुळे राजन पाटलांच्या बालेकिल्ल्यात मागील अनेक दशकांपासून सुरू असलेल्या बिनविरोधची परंपरा यंदा मोडीत निघण्याची शक्यता निर्माण झाली होती. परंतु मंगळवारी सायंकारी उमेदवारी अर्ज छाननीवेळी उज्ज्वला थिटे यांचा अर्ज नाट्यमयरित्या बाद झाला आणि राजन पाटलांच्या सुनेच्याच गळ्यात नगराध्यक्षपदाची माळ पडणार, हे निश्चित झाले. त्यानंतर पाटील यांचे ज्येष्ठ पुत्र विक्रांत पाटील यांनी जल्लोष करताना थेट अजित पवारांनाच आव्हान देऊन टाकलं आहे.
राष्ट्रवादी शरदचंद्र पवार पक्षाचे अध्यक्ष शरद पवार यांचे निष्ठावंत अशी ओळख असलेल्या राजन पाटील यांनी राष्ट्रवादीच्या फुटीनंतर शरद पवारांची साथ सोडत अजित पवारांसोबत जाणं पसंत केलं. मात्र अजित पवारांनी उमेश पाटलांना बळ दिल्याने राजन पाटलांनी नुकताच भाजपमध्ये प्रवेश केला. स्थानिक स्वराज्य संस्थांच्या निवडणुकीच्या तोंडावर पाटील यांनी कमळ हाती घेतल्याने अनगर नगरपंचायत निवडणुकीत नक्की होणार, याची उत्सुकता होती. कारण मागील अनेक दशकांपासून येथील निवडणूक बिनविरोध होत आहे. आधी ग्रामपंचायत असलेल्या अनगरची नगरपंचायत झाल्यानंतर होत असलेली ही पहिलीच निवडणूक आहे. या निवडणुकीत नगरपंचायत सदस्य तर बिनविरोध म्हणून निवडून आले, मात्र नगराध्यक्षपदासाठी राजन पाटील यांच्या सुनेविरोधात उज्ज्वला थिटे यांनी अजित पवारांच्या राष्ट्रवादीकडून अर्ज दाखल केला होता. त्यामुळे राजन पाटलांच्या बालेकिल्ल्यात मागील अनेक दशकांपासून सुरू असलेल्या बिनविरोधची परंपरा यंदा मोडीत निघण्याची शक्यता निर्माण झाली होती. परंतु मंगळवारी सायंकारी उमेदवारी अर्ज छाननीवेळी उज्ज्वला थिटे यांचा अर्ज नाट्यमयरित्या बाद झाला आणि राजन पाटलांच्या सुनेच्याच गळ्यात नगराध्यक्षपदाची माळ पडणार, हे निश्चित झाले. त्यानंतर पाटील यांचे ज्येष्ठ पुत्र विक्रांत पाटील यांनी जल्लोष करताना थेट अजित पवारांनाच आव्हान देऊन टाकलं आहे.
अजित पवारांच्या राष्ट्रवादीचे जिल्हाध्यक्ष उमेश पाटील यांनी उज्ज्वला थिटे यांना पाठिंबा देत अनगर नगरपंचायतीत नगराध्यक्षपदासाठी थिटे यांना राष्ट्रवादीचा एबी फॉर्म दिला होता. भाजपविरोधात अजित पवारांच्या राष्ट्रवादीने एबी फॉर्म दिल्याने सोलापूर जिल्ह्यासह राज्यातील लक्ष अनगर नगरपंचायतीवर लागले होते.
अजित पवारांना राजन पाटलांच्या पोराचं ओपन चॅलेंज
माजी आमदार राजन पाटील यांच्या धाकट्या सून प्राजक्ता अजिंक्य पाटील यांना नगराध्यक्षपदी बिनविरोध निवडून आणायचं, अशी योजना राजन पाटील यांनी आखली होती. ऐनवेळी उज्ज्वला थिटे पाटील यांनी नगराध्यक्षपदासाठी राष्ट्रवादीकडून उमेदवारी अर्ज भरल्याने राजकीय वातावरण तापले होते. मंगळवारी दुपारी निवडणूक अधिकाऱ्यांनी उमेदवारी अर्ज छाननीनंतर उज्ज्वला थिटे पाटील यांचा अर्ज बाद ठरवल्यानंतर अननगर नगरपंचायतीसमोर राजन पाटील यांच्या समर्थकांनी मोठा जल्लोष साजरा केला आणि माजी आमदार राजन पाटील यांचे मोठे चिरंजीव विक्रांत उर्फ बाळराजे पाटील यांनी थेट अजित पवारांचा एकेरी उल्लेख करत त्यांना आव्हान दिलं. याबाबतचा व्हिडिओ सध्या व्हायरल होत असून यावर राष्ट्रवादीच्या गोटातून काय प्रतिक्रिया दिली जाते, हे पाहणं महत्त्वाचं ठरणार आहे.
