सूरत / प्रतिनिधी ( एम.एस.अहिरे ) -: गुजरातच्या सूरत शहरात स्पाच्या नावाखाली सुरू असलेल्या एका मोठ्या सेक्स रॅकेटचा भांडाफोड करत पोलिसांनी संपूर्ण शहरालाच हादरवून सोडलं आहे. पालनपूर पाटिया परिसरातील राज वर्ल्ड शॉपिंग सेंटरमध्ये तिसऱ्या मजल्यावर सुरू असलेला हा गोरखधंदा इतक्या सफाईने चालवला जात होता की, छापा टाकणारे पोलिसही आतलं दृश्य पाहून थक्क झाले.
गुप्त टीप, रेकी अन् अचानक छापा
या ठिकाणी काहीतरी गैरप्रकार सुरू असल्याची गुप्त माहिती पोलिसांना मिळाली होती. डीसीपी झोन–7 अंतर्गत एलसीबी पथकाने आधी सखोल रेकी केली आणि नंतर अचानक छापा टाकला. दरवाजा उघडताच आत दिसलेलं दृश्य धक्कादायक होतं.
छोट्या खोल्यांत ‘नको त्या अवस्थेत’ महिला
स्पाच्या नावाखाली तयार करण्यात आलेल्या छोट्या-छोट्या खोल्यांमध्ये महिला अत्यंत आक्षेपार्ह अवस्थेत आढळून आल्या. चौकशीत समोर आलं की, या महिलांना फसवणूक करून देहविक्रय व्यवसायात ढकलण्यात आलं होतं. पोलिसांनी तत्काळ चार महिलांची सुटका केली.
मोबाईलवरून ‘ऑर्डर’, फोटो पाठवून ग्राहक
या रॅकेटचं संपूर्ण नेटवर्क मोबाईलवर चालत होतं. महिलांचे फोटो ग्राहकांना पाठवले जात आणि पसंतीनुसार सौदे ठरवले जात. पोलिसांनी छाप्यात ११ मोबाईल फोन जप्त केले असून, त्यातून ग्राहकांशी संपर्क, व्यवहार आणि वेळापत्रक ठरवलं जात असल्याचं स्पष्ट झालं.
टोकनवर व्यवहार, डायरीत हिशोब
स्पामधून वेगवेगळ्या रंगांचे ३९ टोकन, चार छोट्या व एक मोठी डायरी सापडली. या डायरीत महिलांची नावं, ग्राहकांकडून घ्यायचे पैसे, कमिशनचा हिशोब व्यवस्थित लिहिलेला होता. टोकनच्या आधारे कोणत्या ग्राहकाला कोणती ‘सेवा’ मिळणार याचा सौदा ठरवला जात होता.
कंडोमचा ढीग अन् रोख रक्कम
एका खोलीत न वापरलेल्या कंडोमचा मोठा ढीग सापडला. याशिवाय ८,५०० रुपये रोख, लाईट बील, इतर कागदपत्रं पोलिसांच्या हाती लागली आहेत. या सर्व पुराव्यांमुळे स्पाच्या आड सुरू असलेला देहव्यापार स्पष्ट झाला आहे.
पकड टाळण्यासाठी CCTV जाळं
पोलिसांना चकवा देण्यासाठी स्पाच्या आत-बाहेर तीन सीसीटीव्ही कॅमेरे लावण्यात आले होते. बाहेरच्या लॉबीमध्ये एक व्यक्ती पहारा देत असे. पोलिसांचा संशय आल्यास आत तात्काळ इशारा देण्याची जबाबदारी त्याच्यावर होती. सीसीटीव्हीचा डीव्हीआरही जप्त करण्यात आला आहे.
कोणाकोणाला अटक?
या कारवाईत
स्पा मॅनेजर: शुभ्रे बाबूराव चक्रवर्ती
सहाय्यक: विपिन उर्फ रिंकु जगदीश शाहू
ग्राहक: दीपकभाई शाह, वीरसिंह शांतिजी कोली, उमेश दिलीप शर्मा
यांना अटक करण्यात आली आहे.
स्पाचा मुख्य मालक आकाश अंकुशभाई धनावडे सध्या फरार असून त्याचा शोध सुरू आहे.
तपास सुरू, मोठी साखळी उघडकीस येण्याची शक्यता
हा फक्त एक स्पा नसून, सूरतमध्ये कार्यरत असलेल्या मोठ्या सेक्स रॅकेटचा भाग असल्याचा संशय पोलिसांना आहे. मोबाईल डेटा, डायऱ्या आणि सीसीटीव्ही फुटेजच्या आधारे तपास अधिक तीव्र करण्यात आला आहे.
स्पाच्या आड समाजाला पोखरणाऱ्या या काळ्या धंद्यावर पोलिसांचा घाव बसला असला, तरी आणखी किती ‘राज वर्ल्ड’ लपले आहेत?
हा प्रश्न आता संपूर्ण सूरतला अस्वस्थ करत आहे.
स्पाच्या नावाखाली सुरू असलेल्या काळ्या साम्राज्याचा सूरत पोलिसांनी पर्दाफाश केलाय.
पालनपूर पाटिया परिसरातील राज वर्ल्ड शॉपिंग सेंटरमध्ये सुरू असलेल्या या स्पामध्ये छापा टाकताच धक्कादायक वास्तव समोर आलं.
छोट्या खोल्यांमध्ये महिला नको त्या अवस्थेत आढळल्या.
एका खोलीत न वापरलेल्या कंडोमचा ढीग, टोकनवर चालणारे व्यवहार,
आणि मोबाईलवरून महिलांचे फोटो पाठवून ग्राहकांना बोलावलं जात असल्याचं तपासात उघड झालं.
या कारवाईत चार महिलांची सुटका करण्यात आली असून,
स्पा मॅनेजर, सहाय्यक आणि तीन ग्राहकांना अटक करण्यात आली आहे.
मात्र या रॅकेटचा मुख्य सूत्रधार सध्या फरार आहे.
हा फक्त एक स्पा नसून, सूरतमधील मोठ्या सेक्स रॅकेटचा भाग असल्याचा संशय पोलिसांनी व्यक्त केला आहे.”
