तमाशा बोर्डात कलावंत असलेल्या अनुराधाने प्रचंड आर्थिक अडचण असताना प्रसंगी पोटाला चिमटा देत मुलांना बड्या शहरात शिक्षण दिलंय. तिची दोन मुले शिकून आता सॉफ्टवेअर इंजिनिअर बनली आहेत. तिच्या एका मुलाला तब्बल वर्षाला सोळा लाख रुपयांच्या पगाराचे पॅकेज मिळालंय तर दुसरा मुलगा महिन्याला पन्नास हजार रुपये कमावतोय. दोन्ही मुले आता आपल्या आयुष्यात स्थिर झालीयेत.
मुलं कमावती झाली असली तरी संगीत पार्टीच्या माध्यमातून जोडलेल्या सह कलावंतांसोबतच उर्वरित आयुष्य घालवण्याचा निर्धार अनुराधाने केलाय. विशेष म्हणजे याच महिलेचा आदर्श घेऊन तिच्या सह कलावतांनी देखील आपल्या मुलांना शिक्षण देऊन अधिकारी बनवण्याचा संकल्प केलाय.
परिस्थिती कितीही विपरीत असली तरी शिक्षण तुमचं आयुष्य बदलू शकतं हे दाखवणारी ही घटना निश्चितच प्रेरणादायी अशीच आहे. तमाशाच्या बोर्डावर नाचणाऱ्या महिला कुठल्याशा परिस्थितीने किंवा मजबुरीने नाचत असतात. पण जिद्द आणि मेहनतीच्या जोरावर नशीबालाही झुकावं लागतं, अशीच ही घटना
