तलवार प्रकरणानंतर आता औरंगाबादमध्ये गुंडाच्या दहशतीचा थरकाप उडवणारा व्हिडिओ समोर

औरंगाबादमध्ये पोलिसांनी कारवाई करत बुधवारी ३७ तलवारी आणि एक कुकरी जप्त केली. पोलीस या प्रकरणी पुढील तपास करत आहेत. पण गुन्हेगारांना आळा घालण्यात औरंगाबाद : शहर पोलीस हद्दीतील ( aurangabad police ) वाळूज भागात पुन्हा एकदा गुंडाचा धुमाकूळ आणि दहशत पाहायला मिळाली. दारू पिऊन रस्त्यावरून जाणाऱ्या नागरिकांना अडवून पैसे मागणे ( tadipaar criminal extortion video viral ) आणि न देणाऱ्या लोकांना या गुंडांकडून मारहाण केल्याचा प्रकार समोर आला आहे. विशेष म्हणजे यातील एका आरोपी तडीपार असल्याचे सुद्धा समोर आले आहे. त्यामुळे परिसरातील नागरिकांमध्ये मोठ्याप्रमाणात दहशतीचे वातावरण आहे. बुधवारी संध्याकाळी सहाच्या वाजेच्या सुमारास चार गुंडानी मुख्य रस्त्यावरील प्रताप चौकालगत रस्त्यावरून ये-जा करणाऱ्या नागरिकांना धमकावत पैसे वसूल करण्यास सुरूवात केली. तर पैसे देण्यास विरोध करणाऱ्या नागरिकांना मारहाण सुद्धा केली. तर याच गुंडांनी यावेळी तीन नागरिकांना रक्तबंबाळ होईपर्यंत निर्दयीपणे मारहाण केली. या मारहाणीचे काही व्हिडिओ सुद्धा समोर आले आहे. मारहाण करणाऱ्यांमध्ये एका तडीपार गुंडही सामील असल्याचे दिसून येतंय. तो या टोळीचा म्होरक्या असल्याचे बोलले जात आहे.या गँगचा म्होरक्या असलेला प्रशांत उर्फ सोनू संपतराव आमटे (वय २१रा. साईनगर सिडको महानगर वडगाव कोल्हाटी ) नावाचा गुंड आहे. त्याला सहा महिन्यांपूर्वीच दोन वर्षांसाठी तडीपार करण्यात आले आहे. तडीपार असूनही तो या भागात बिनधास्त वावरत असतो. नागरिकांकडून पैसे वसूल करून त्यांना मारहाणही करत असतो. शहरातील परिस्थिती हाताबाहेर? शहारत घडत असलेल्या काही दिवसांपासूनच्या घटना पहिल्या असता शहरातील गुन्हेगारी वाढली आहे. गुंडांवर पोलिसांचा वचक राहिला नसल्याचे आरोप नागरिकांकडून होत आहेत. काही दिवसांपूर्वी पुंडलिकनगर भागात दुर्लभ कश्यप गँगच्या गुंडांनी स्पर्धा परीक्षेची तयारी करणाऱ्या विध्यार्थाला मारहाण केली होती. याशिवाय कालच पोलिसांनी शहरात कुरियरमधून आलेल्या ३७ तलवारी जप्त केल्या आहेत. त्यातच आता वाळूज भागात गुंडाचा पुन्हा एकदा राडा पाहायला मिळाल्याने औरंगाबाद शहरात नेमकं चालले तरी काय? असा प्रश्न उपस्थित केला जात आहे.