जौनपूरच्या मुंगराबादशाहपूर पोलीस स्टेशन हद्दीतील एका गावात काल रात्री ही लज्जास्पद घटना घडली. येथे प्रायव्हेट पार्ट कापल्यामुळे जखमी व्यक्तीची प्रकृती चिंताजनक आहे. त्यांच्यावर जिल्हा रुग्णालयात उपचार सुरू आहेत.
महिलेचा नवरा बाहेर गावी काम करतो. लग्नापासून सासरा तिच्यावर वाईट नजर ठेवत असल्याचा आरोप महिलेने केला आहे. तो अनेकदा चुकीचे हावभाव करत असे. तिने विरोध केल्यावर तो तिला मारहाण करायचा. बुधवारी रात्री 12 वाजण्याच्या सुमारास तो माझ्या खोलीत घुसला आणि बलात्काराचा प्रयत्न करू लागला. असा आरोप महिलेने केला आहे.
महिलेने म्हटलं की, सुरुवातीला मी सुटण्याचा पुरेपूर प्रयत्न केला, काही उपाय नसताना मी त्याच्या प्रायव्हेट पार्टवर दातांनी हल्ला केला. हल्ल्यात जखमी झालेले सासरे वेदनेने ओरडू लागले आणि रडू लागले. आवाज ऐकून गावातील लोक जमा झाले तेव्हा सुनेने सासरच्या क्रूरतेची कहाणी सांगितली. दरम्यान, या घटनेची माहिती कोणीतरी पोलिसांना दिली.
घटनास्थळी पोहोचलेल्या पोलिसांनी वेदनेने त्रस्त झालेल्या व्यक्तीला तातडीने प्राथमिक आरोग्य केंद्रात दाखल केले. तेथे त्यांची प्रकृती चिंताजनक असल्याने डॉक्टरांनी त्यांना जिल्हा रुग्णालयात पाठवले.
