बीड : बीडच्या माजलगाव येथे डॉक्टरांचा हलगर्जीपणा समोर आला आहे. हा हलगर्जीपणा एका महिलेच्या जीवावर बेतला आहे. या घटनेत प्रसूतीदरम्यान मातेसह बाळाचा मृत्यू झाला आहे. हा सर्व प्रकार माजलगाव शहरातील जाजू हॉस्पिटलमध्ये घडला असून यावेळी संतप्त नातेवाईकांनी शवविच्छेदनानंतर मृतदेह थेट पोलीस ठाण्यात नेला होता. अखेर पोलिसांच्या मध्यस्थीनंतर आज सकाळी महिलेवर अंत्यसंस्कार करण्यात आले आहेत.
.webp)
सोनाली गायकवाड असे मयत महिलेचे नाव असून प्रसूती कळा जाणवल्यानंतर तिला रुग्णालयात दाखल करण्यात आले होते. परंतु डॉक्टरांनी वेळीच लक्ष न दिल्याने अति रक्तस्राव होऊन मातेसह नवजात बालकाचा यात मृत्यू झाला आहे. नातेवाईकांनी मागणी केल्यानंतर माजलगाव पोलिस ठाण्यात ३०४ नुसार गुन्हा दाखल करण्यात आला आहे.
याआधीही जाजू हॉस्पिटलवर आरोप...
बीड जिल्ह्यात असे अनेक प्रकार देखील आता दिवसेंदिवस अवघड होत चालले आहेत. मात्र, जाजू हॉस्पिटलवर हा पहिलाच आरोप नसून याआधी देखील अनेक आरोप झालेले माजलगावकर सांगत आहेत. मात्र, त्यांच्यावर कठोर कारवाई करण्यात यावी, अशी देखील मागणी नातेवाईकांकडून होत आहे. मात्र, पोलीस प्रशासनाने देखील त्यांना लवकरात लवकर सहकार्य केले नाही. त्यामुळे नातेवाईक देखील संतापलेले पाहायला मिळत आहे.
बीड जिल्ह्यात असे अनेक प्रकार देखील आता दिवसेंदिवस अवघड होत चालले आहेत. मात्र, जाजू हॉस्पिटलवर हा पहिलाच आरोप नसून याआधी देखील अनेक आरोप झालेले माजलगावकर सांगत आहेत. मात्र, त्यांच्यावर कठोर कारवाई करण्यात यावी, अशी देखील मागणी नातेवाईकांकडून होत आहे. मात्र, पोलीस प्रशासनाने देखील त्यांना लवकरात लवकर सहकार्य केले नाही. त्यामुळे नातेवाईक देखील संतापलेले पाहायला मिळत आहे.
