शिवसेनेशी पंगा घेतलेल्या राणा दाम्पत्याला मुंबई पालिकेची अवैध बांधकामाबाबत नोटीस, ७ दिवसांत....

मुंबई : शिवसेनेविरोधात पंगा घेतलेल्या राणा दाम्पत्याला मुंबई महापालिकेने नोटीस बजावली आहे. घरातील अवैध बांधकामाबाबत सात दिवसात उत्तर देण्यास सांगण्यात आले आहे. मुंबई महापालिकेकडून कलम ३५३ अन्वये राणा दाम्पत्याला नोटीस बजावली आहे. महानगरपालिकेला दिलेल्या आरखडा आणि प्रत्यक्ष बांधकाम बदल केल्याचे अधिकाऱ्यांच्या निदर्शनास आले आहे. त्यामुळे महानगरपालिकेने नवनीत राणा आणि रवी राणा यांच्या घरातील अनधिकृत बांधकाम का पाडू नये असा सवालही प्रशासनाने उपस्थित केला आहे.

राणा दाम्पत्याला मुंबई पालिकेने मंगळवारी कलम ३५३ अन्वये नोटीस बजावली. घरातील अवैध बांधकामाबाबत सात दिवसात उत्तर देण्यास सांगण्यात आले आहे. समाधानकारक उत्तर न दिल्यास कलम ४७५ ए अंतर्गत कारवाई केली जाईल. कारावास आणि दंडास पात्र असलेला हा कायदा आहे असे नोटिशीत स्पष्ट केले आहे.

खारमधल्या घराचे बांधकाम अवैध

नवनीत राणा आणि आमदार रवी राणा यांच्या मुंबईतील खारमधल्या घराचे बांधकाम अवैध असल्याचा उल्लेख नोटीस करण्यात आला आहे. महानगरपालिकेला दिलेल्या आरखडा आणि प्रत्यक्ष बांधकाम यामध्ये तफावत असल्याचं नोटीसीत म्हटलं आहे. मुंबई महानगरपालिकेच्या अधिकारी आणि कर्मचाऱ्यांनी त्यांच्या घराची पाहणी केल्यानंतर ही नोटीस बजावण्यात आली आहे.

सात दिवसात स्पष्टीकरण द्या, नाहीतर कारवाई होईल

महानगरपालिकेला दिलेल्या आरखडा आणि प्रत्यक्ष बांधकाम बदल केल्याचे अधिकाऱ्यांच्या निदर्शनास आले आहे. त्यामुळे महानगरपालिकेने नवनीत राणा आणि रवी राणा यांच्या घरातील अनधिकृत बांधकाम का पाडू नये असा सवालही प्रशासनाने उपस्थित केला आहे. येत्या सात दिवसात स्पष्टीकरण दिले गेले नाही तर तर बांधकाम पाडले जाऊ शकते, असा इशारा नोटीसीच्या माध्यमातून राणांना दिला आहे 

उद्धव ठाकरे सरकारची सूडबुद्धीची कारवाई'

मुंबई महापालिकेची आलेली नोटीस म्हणजे उद्धव ठाकरे यांच्या सांगण्यावरुन दिली गेलेली नोटीस आहे. आमचं मुंबईत एकच घर आहे. सेना नेत्यांसारखी अनेक घरं नाहीयेत. ते आमचं घर पाडू शकतात, कारण याअगोदर त्यांनी अनेकांची घरं पाडली आहेत. पण जरी आमच्याविरोधात त्यांनी कारवाई केली तरी आम्ही लढणं सोडणार नाही, अशी प्रतिक्रिया नोटीसीनंतर राणा दाम्पत्याने दिली आहे.