आपल्या दुकानात बियाणांची विचारणा करून बाजूच्या दुकानावर ग्राहक गेला. या रागातून व्यापाऱ्याने दुसऱ्या व्यापाऱ्याचा पोटात पोत्यातून धान्य काढण्याचा लोखंडी हुक खुपसुन ठार मारण्याचा प्रयत्न केल्याची घटना शिरपूर येथील कृषी उत्पन्न बाजार समितीच्या आवारात घडली. शहर पोलिसांनी याप्रकरणी एकास अटक केली असून दुसरा संशयित अद्याप फरार आहे.
जखमी झालेल्या व्यापाराच्या पोटात धारदार हुक घुसल्याने मोठ्या प्रमाणात जखमा पोटावर झाल्या आहेत. यामध्ये जखमी व्यापारी थोडक्यात बचावला असून सध्या खाजगी रुग्णालयामध्ये त्यांच्यावर उपचार सुरू आहेत.
