संदर्भात पोलीसात दाखल तक्रारीनुसार, एका १७ वर्षांच्या मुलीला जळगाव तालुक्यातील तोरनाळा येथील आकाश सुरेश मुरळकर याने २ एप्रिल रोजी धमकावून बळजबरीने शरीरसंबंध प्रस्थापित केले होते. यावेळी त्याने शरीरसंबंधाचे व्हिडीओ चित्रीकरण देखील केले होते.यानंतर आकाशचा मित्र तुषार सोन्नी ( रा. चिंचोली पिंप्री, ता. जामनेर ) याने १२ जून २०२२ रोजी बुलढाणा येथील एका कॅफेमध्ये पीडीत मुलीवर अत्याचार केला. यावेळी तुषारने देखील व्हिडीओ बनवून तो व्हायरल करण्याची धमकी पीडित मुलीला दिली.
यानंतर पीडीत मुलीला व्हिडीओ व्हायरलची धमकी देत तिला ब्लॅकमेलींग करणे सुरू होते. शेवटी पीडीत तरुणीने पोलिसात तक्रार दिली. या प्रकरणी आकाश सुरेश मुरळकर ( रा. तोरनाळा ) आणि तुषार सोन्नी ( रा. चिंचोली पिंप्री, ता. जामनेर) या दोघांच्या विरोधात गुन्हा दाखल करण्यात आला आहे.
तसेच या प्रकरणात या दोन आरोपींना आणखी दोघांनी मदत केल्याची धक्कादायक माहिती समोर आली आहे. विशेष म्हणजे यात एका तरुणीचाही समावेश आहे. तसेच जामनेर येथीलच योगेश लोणारी याच्या विरुद्धही गुन्हा दाखल करण्यात आला आहे.
या चौघांविरुद्ध विरुद्ध बळजबरीने शरीरसंबंध ठेवणे, पोक्सो कायदा, तसेच अनुसूचित जाती जमाती अत्याचार प्रतिबंधक कायद्यातील कलम ३ (१) (आर); ३ (१) (एस) अंतर्गत जामनेर पोलिसात गुन्हा दाखल करण्यात आला आहे.
