युवकाने गाडी थांबवून पोलीस नियंत्रण कक्षाला फोन केला. काही वेळातच काटोल पोलीस घटनास्थळावर दाखल झाले. पोलिसांनी घटनास्थळाचा पंचनामा केला. तरूणीचे डोके दगडाने ठेचले होते. तिला फरफटत खेचून आणल्याचेही स्पष्ट दिसत होते. पोलिसांनी तरूणीचा मृतदेह ताब्यात घेऊन शवविच्छेदनासाठी रवाना केला.
या प्रकरणी अज्ञात आरोपीवर खुनाचा गुन्हा दाखल करण्यात आला आहे. तरूणीवर लैंगिक अत्याचार करण्यात आला का?, तरूणी गर्भवती होती का? याबाबत पोलीस तपास करीत आहेत.
खून दुसरीकडे, विल्हेवाट चारगावात
मृत तरूणी ही तालुक्याबाहेरची असल्याचे पोलिसांच्या लक्षात आले. त्यामुळे तरूणीचा खून दुसरीकडे करण्यात आला असून फक्त मृतदेहाची विल्हेवाट लावण्यासाठी आरोपींनी चारगाव परिसराची निवड केली असावी. हा मृतदेह मध्यरात्रीच्या सुमारास फेकण्यात आल्याची शक्यता आहे. टोलनाक्यांवरील सीसीटीव्ही फुटेजवरून पोलीस तपासाची दिशा ठरवित आहेत.
