मंत्री एकनाथ शिंदे यांनी शिवसेनेशी बंडखोरी केल्यानंतर शिवसेनेमध्ये धुळ्यात दोन गट पडल्याचे बघावयास मिळाले आहेत. गेल्या काही दिवसांपूर्वी मंत्री एकनाथ शिंदे यांनी शिवसेनेची बंडखोरी केल्यानंतर शिंदे यांच्या समर्थकांनी धुळ्यात शिंदे यांच्या समर्थनार्थ बॅनर झळकावले होते.
शिवसेनेच्या माजी मुख्यमंत्री उद्धव ठाकरे यांच्या समर्थकांनी हे सर्व बॅनर रात्रीच्या वेळी फाडून टाकले होते. परंतु त्यानंतर काल मुख्यमंत्री एकनाथ शिंदे यांनी मुख्यमंत्री पदाची शपथ घेताच धुळ्यात पुन्हा एकदा शिंदे समर्थकांनी मुख्यमंत्री एकनाथ शिंदे यांच्या शुभेच्छांचे बॅनर झळकावल्याचे दिसून येत आहे.
