भुसावळ शहराच्या जवळून वाहत असलेल्या तापी नदी पात्रात दोन मृतदेह तरंगतांना आढळून आले. सदर मृतदेह वसंत नेमाडे (वय ६५) आणि मालतीबाई वसंत नेमाडे (वय ५६) या पती- पत्नीची असल्याची ओळख पटली आहे. त्यांनी तापी नदीच्या पुलावरून उडी घेऊन स्वत:चे जीवन संपविल्याची माहिती समोर आली आहे.
कारण अस्पष्ट
रविवारी त्यांनी नदी पात्रात उडी घेतल्याची शक्यता असून सोमवारी मृतदेह आढळून आले. मृतदेह बाहेर काढून शवविच्छेदन केले. त्यांनी बामणोद येथून दुचाकी घेवून तापी नदीवरून उडी घेतल्याचे समोर आले आहे. नेमाडे दाम्पत्याने आत्महत्या नेमकी कशासाठी केली याचे कारण अद्याप समजलेले नाही.
