धुळे महापालिका हद्दीमध्ये गेल्या कित्येक वर्षांपासून निधी अभावी विकास कामे रखडून पडलेली होती. याचा परिणाम नागरिकांच्या रोशाला महानगरपालिका प्रशासन त्याचबरोबर लोकप्रतिनिधींना देखील सामोरे जावे लागत होते. परंतु, आता धुळे महापालिका हद्दीमधील 41 विकास कामांसाठी जवळपास 60 कोटी रुपयांचा निधी प्रशासनातर्फे मंजूर करण्यात आला आहे. त्यामुळे आता धुळे महानगरपालिका हद्दीतील रखडलेल्या विकास कामांना गती मिळणार आहे.
कामांना प्राधान्य
धुळे शहरातील रस्त्यांची गेल्या काही दिवसांपासून मोठ्या प्रमाणात दुरावस्था झाली आहे. तसेच शहरातून भूमी अंतर्गत गटारीचा प्रश्न देखील मोठ्या प्रमाणात नागरिकांतर्फे उपस्थित करण्यात आला आहे. तसेच शहरातील सुशोभीकरण करण्यासाठी देखील हा निधी वापरण्यात येणार असल्यामुळे धुळे महापालिका हद्दीतील बहुतांश समस्या पालिका प्रशासनाला दूर करता येणार आहेत.
