महिलेच्या डोक्यावर कुर्‍हाडीने वार, चौघांविरूध्द गुन्हा दाखल

नवापूर शहरातील नवाफलीया खाटकी वाडा बगदाद  येथे सुरु सुरु असलेल्या भांडण सोडविण्याचा प्रयत्न केल्याचा राग आल्याने महिलेच्या  डोक्यावर )्कु्र्‍्हाडीने वार करुन जिवेठार मारण्याची दिल्याप्रकरणी चौघांविरोधात गुन्हा  दाखल करण्यात आला आहे.

याबाबत पोलिस सूत्रांनी दिलेल्या माहितीनूसार, नवापूर शहरातील नवाफलीया खाटकी वाडा बगदाद येथील रुकसार बानो आसिफ हुसेन बलोची यांच्या घराशेजारी राहणारी हुमेरा हिच्याशी शबुक्ता इरफान शेख ही भांडण करीत होते.

सदर भांडण सोडविण्यासाठी रुकसार बानो आसिफ हुसेन बलोची गेल्या असता शबुक्ता इरफान शेख, अजमिता जावेद शेख, जावेद शेख यांनी शिवीगाळ करीत हाताबुक्यांनी मारहाण केली. तसेच इरफान शेख याने कुर्‍हाडीने डोक्यावर वार करुन जिवेठार मारण्याची धमकी दिली.

याबाबत रुकसार बानो आसिफ हुसेन बलोची यांच्या फिर्यादीवरुन नवापूर पोलिस ठाण्यात चौघांविरोधात भादंवि कलम 324, 323, 504, 506, 34 प्रमाणे गुन्हा दाखल करण्यात आला आहे. पुढील तपास पोहेकॉ.दादाभाई वाघ करीत आहेत.