कापूस चोरीच्या गुन्ह्यांचा गांभीर्याने तपास करून गुन्हेगारांवर कारवाई करण्याबाबत निर्देश स्थानिक गुन्हे शाखेचे पोलिस निरीक्षक किरणकुमार खेडकर यांना दिले. शोध सुरू असताना मंगळवारी (ता. १०) पोलिस अधीक्षक पाटील यांना गुप्त माहिती मिळाली. त्यात तलवाडे गावातील दिलीप भिल व साथीदारांनी वैंदाणे शिवारातून कापूस चोरी केला आहे. स्थानिक गुन्हे शाखेचे पोलिस निरीक्षक किरणकुमार खेडकर यांनी तत्काळ पथक तलवाडे गावात पाठविले व दिलीपला ताब्यात घेतले.त्याने नाव दिलीप किशोर भिल (वय २०, रा. तलवाडे, ता.जि. नंदुरबार, मू.रा. पिक्चर टॉकीजवळील भिलाटी, साक्री, ता. साक्री, जि. धुळे) असे सांगितले. कापूस चोरीबाबत विचारपूस केली असता त्याने त्याचे इतर साथीदार ऋतिक ठाकरे (रा. तलवाडे, ता.जि. नंदुरबार), सुरेश माळीच (रा. कोकल, ता. साक्री), जगदीश माळचे, प्रमोद शिवदे (सर्व रा. कावठी, ता. साक्री) यांच्या मदतीने चोरल्याचे कबूल केले. ऋतिक ठाकरे यास तलवाडे गावातून ताब्यात घेतले.हेही वाचा : या महामार्गामुळं खरंच येईल 'समृद्धी'?
