ठाणे पोलिसांनी दिलेल्या माहितीनुसार, कमालउद्दीन अन्सार शेख हा अंबरनाथ येथील रहिवासी असून तो १ जानेवारी रोजी लोकल ट्रेनने आपल्या घरी जाण्यासाठी निघाला होता. मुंब्रा येथे पोहोचताच तीन अज्ञात व्यक्तींनी त्याला ट्रेनमधून खाली ओढले. तसेच त्याला बेदम मारहाण केली. दरम्यान, या घटनेची माहिती मिळताच पोलिसांनी घटनास्थळी दाखल होत कमालउद्दीनला रुग्णालयात दाखल केले. मात्र, ४ जानेवारी रोजी त्याचा मृत्यू झाला.
दरम्यान, पोलिसांनी या प्रकरणी तीन अज्ञात आरोपींविरोधात खुनाचा गुन्हा दाखल केला असून आरोपींचा शोध सुरू असल्याची माहिती ठाणे पोलिसांकडून देण्यात आली आहे.
