प्रतिदिनी वेगवेगळ्या भागात मोटारसायकल चोरीचे प्रमाण वाढले आहे. या संदर्भात गुन्ह्यातील चोरट्यांचा शोध घेण्याच्या सुचना पो. अधीक्षक एम राजकुमार यांनी दिल्या होत्या. त्यानुसार सावदा पोलीस ठाण्याचे स.पो.नि जालिंदर पळे ,पोलीस उपनिरीक्षक विनोद खांडबहाले यांच्यासह पोहेकॉ उमेश पाटील, विनोद पाटील, संजीव चौधरी, पोना मोहसीन खान पठाण, यशवंत टहाकळे, विनोद तडवी, पोकॉ मनोज तडवी, चालक पोकॉ नामदेव कापडे यांनी नाकाबंद केली.
या नाकाबंदीच्या कारवाईत जावेद मुबारक तडवी रा. पातोंडा ता.जि. बुरहानपूर हा विना क्रमांकाची दुचाकी घेवून फिरत असल्याचे दिसून आले. पोलीसांनी मोटारसायकल अडवून त्याची चौकशी केली असता उडवाउडवीची उत्तरे दिली. त्याची कसून चौकशी केली असता सोबत असलेली दुचाकी ही सावदा पोलीस ठाण्यात दाखल चोरीच्या गुन्ह्याती असल्याचे निष्पन्न झाले.
संशयित आरोपीला पोलीसांनी अटक केली. त्याचप्रमाणे त्याने त्याचा साथीदार मुनाफ मुबारक तडवी रा. कोळवद, ता. यावल याच्या साथीने सावदा, रावेर, चोपडा, नेरी, ता. जामनेर, लालबाग ता.जि. बुरहानपुर, गणपतीनाका बुरहानपुर मध्यप्रदेश येथुन देखील मोटार सायकलींची चोरी केल्याबाबत कबुली दिल्याने मुनाफ मुबारक तडवी रा. कोळवद, ता. यावल असे नाव सांगितले. पोलीसांनी दोघांना अटक केली.
दोघांकडून आत्तापर्यंत १२ चोरीच्या दुचाकी हस्तगत केल्या आहेत.आणखी काही गुन्हे उघडकीस येण्याची दाट शक्यता आहे . पुढील तपास सावदा पोलीस स्टेशनचे सहाय्यक पोलीस निरीक्षक जालींदर पळे करीत आहे.
