शहरातील मालेगाव रोडवरील गुजर कंपाउंडच्या बोळीमध्ये रीक्षामध्ये अवैधरित्या गॅस भरत असताना पोलिसांनी दोघांना रंगेहात पकडले आहे. उपविभागीय पोलीस अधीक्षक ऋषिकेश रेड्डी यांच्या पथकाने ही कारवाई केली असून या कारवाईमध्ये पोलिसांनी गॅस सिलेंडरच्या टाक्यांसह जवळपास ९३ हजार रुपयांचा मध्यमाल हस्तगत केला आहे.
या संदर्भात आझाद नगर पोलीस ठाण्यात गुन्हा दाखल करण्याचे काम सुरू होते. या कारवाईमुळे अवैध पणे घरगुती वापराच्या गॅसचा इंधन म्हणून सर्रासपणे वापर करणाऱ्यांचे धाबे चांगलेच दणाणले आहेत.
