छत्रपती संभाजीनगरमधून एक धक्कादायक घटना समोर आली आहे. या घटनेनं परिसरात खळबळ उडाली आहे.
छत्रपती संभाजीनगरमधून एक धक्कादायक घटना समोर आली आहे. जोडप्याने रेल्वेसमोर उडी घेऊन आपलं आयुष्य संपवण्याचा प्रयत्न केला. या घटनेत तरुणाचा मृत्यू झाला आहे. तर तरुणी गंभीर जखमी झाली असून, तिच्यावर रुग्णालयात उपचार सुरू आहेत. या प्रकरणी पोलिसांकडून अकस्मात मृत्यूची नोंद करण्यात आली असून, पुढील तपास सुरू असल्याचं सांगण्यात आलं आहे. छत्रपती संभाजीनगरमधील एकनाथनगर भागात रात्रीच्या सुमारास ही घटना घडली.
महिनाभरापूर्वी झाला होता विवाह
घटनेबाबत अधिक माहिती अशी की, एक महिन्यापूर्वी विवाह झालेली तरुणी तिच्या प्रियकरासोबत पळाली. ते ठाण्यामधून पुण्यात आले. त्यानंतर त्यांनी छत्रपती संभाजीनगर गाठले. मात्र एकत्र राहाता येत नसल्यानं या जोडप्याने अखेर कंटाळून छत्रपती संभाजीनगरात असलेल्या एकनाथनगर परिसरात रेल्वेसमोर उडी घेतली. आधी तरुणाने रेल्वेसमोर उडी घेतली, त्यानंतर तरुणीने देखील उडी घेतली. या घटनेत तरुणाचा जागीच मृत्यू झाला तर तरुणी गंभीर जखमी झाली आहे. तिला उपचारासाठी रुग्णालयात दाखल करण्यात आले आहे.
