याबाबत भुषण देवीदास चित्ते (रा. मास्तरवाडी, नेहरू नगर, देवपूर) या सलून दुकानदाराने पोलिसात फिर्याद दिली आहे. त्यानुसार त्यांच्या मोबाईलमधून युपीआयडी द्वारे खात्यातून तुफेल रजा अक्कर मेमन याने प्रथम 14 हजार, दुसर्यांदा 51 हजार आणि तिसर्यांना 12 हजार असे एकूण 77 हजार रूपये त्याच्या संमतीशिवाय ट्रान्सफर करून काढून घेतले. हा प्रकार 21 एप्रिल रोजी वाडीभोकर रोडवरील पंचायत समितीसमोर असलेल्या अतिथी अपार्टमेंटच्या गाळ्यामध्ये घडला.
त्यानंतर भूषण चित्ते हा तुफेल याचे वडील अक्कर मेमन (रा.जामदा मळा, चाळीसगाव रोड) यांच्या घरी पैसे परत मागण्यासाठी गेला असता त्याला धक्के मारून शिवीगाळ करीत हाकलून दिले. तसेच पुन्हा आमच्या दारात आला तर तुला मारून टाकेल, अशी धमकी दिली. याप्रकरणी तुफेल रजा अक्तर मेमन व त्याचे वडिल अक्तर मेमन या पिता-पुत्राविरूध्द फसवणूकीचा गुन्हा दाखल करण्यात आला आहे. पुढील तपास पोहकॉ आखाडे करीत आहेत
