सुरत (प्रतिनिधी): एम.एस.अहिरे -
गुजरात राज्यातील सुरत शहरात वास्तू शिल्प सोसायटी ऑपेरा आणि गोल्डन सिटी सोसायटी यांच्या संयुक्त विद्यमाने विजयादशमीच्या पवित्र दिवशी भव्य रक्तदान शिबिराचे आयोजन करण्यात आले. या उपक्रमाचे प्रमुख आयोजक श्री. हितेशभाई बाबूभाई कोटडिया होते.
या सामाजिक उपक्रमात सरदार वल्लभभाई पटेल रक्तदान केंद्राच्या सहकार्याने नागरिकांनी उत्साहाने सहभाग घेतला. शिबिरात मोठ्या संख्येने नागरिकांनी रक्तदान करून समाजाप्रती आपली जबाबदारी बजावली. आयोजकांनी सांगितले की, प्रत्येक रक्तदात्यामुळे अनेकांचे प्राण वाचू शकतात, आणि म्हणूनच समाजातील प्रत्येकाने या कार्यात सहभागी व्हावे.
याचबरोबर लहान मुलांसाठी विविध प्रकारच्या स्पर्धा आणि मनोरंजन कार्यक्रमांचे आयोजन करण्यात आले होते. मुलांमध्ये सामाजिक बांधिलकी आणि सर्जनशीलतेचा विकास व्हावा, या हेतूने हा उपक्रम राबवण्यात आला. कार्यक्रमात मुलांनी चित्रकला, भाषण, आणि सांस्कृतिक सादरीकरणांतून उत्स्फूर्त सहभाग नोंदवला.
कार्यक्रमाच्या यशस्वी आयोजनात गणेश पाटील यांनी रक्तदान केंद्राच्या कार्यात मोलाची मदत केली. त्यांच्या समन्वयामुळे शिबिर सुरळीत पार पडले.
या सामाजिक कार्याची नोंद “खबरदार क्राईम” या वृत्तसंस्थेच्या टीमने घेतली असून, त्यांनी आयोजकांच्या या उपक्रमाचे कौतुक केले आहे. विजयादशमीसारख्या शुभ दिवशी झालेला हा सामाजिक उपक्रम शहरवासीयांसाठी प्रेरणादायी ठरला आहे.
—✍️ प्रतिनिधी, खबरदार क्राइम, सुरत
