अमरावतीत अल्पवयीन अद्यापही सुरक्षित नसल्याचं पुन्हा एकदा पुढे आल आहे. एका अल्पवयीन मुलीला चक्क पेढ्यातून गुंगीच औषध देऊन, तिच्यावर सामूहिक अत्याचार केल्याची धक्कादायक घटना घडली आहे. पीडिता तिच्या मामाच्या गावाला असताना आरोपीने तिला अश्लील व्हिडिओ व्हायरल करण्याची धमकी दिली. त्यानंतर 12 जूनच्या रात्रीला तिला चारचाकीमध्ये बसवून गुंगीच औषध देत तिचे लचके तोडले आहे.
भेदरलेल्या परिस्थितीमध्ये पीडित मुलगी परतवाडा पोलिसांत पोहोचली. तिने दिलेल्या माहितीनंतर, पोलिसांनी दोन आरोपींविरुद्ध अपहरण, सामूहिक अत्याचार आणि पोस्को अंतर्गत गुन्हे दाखल केले. तसेच दोन आरोपींना अटक केली आहे. या संदर्भात अधिक तपास पोलीस करत आहेत.
