सगळ्या पाहुण्यांसमोर नवरीने आपल्याला हरवल्याचं नवरदेवाला सहन होत नाही. यानंतर रागात नवरदेव अगदी जोरात नवरीच्या डोक्यात चापट मारतो पाहून तिथे उभा असलेले सगळेच हैराण होतात.
आनंदात खेळला जाणारा हा खेळ काहीच वेळात अतिशय गंभीर वातावरणात घेऊन जातो. नवरदेवाचं हे धक्कादायक कृत्य पाहून पाहुणेही एकदम शांत झाले. ही संपूर्ण घटना कॅमेऱ्यात कैद झाली आहे. याचा व्हिडिओ सध्या सोशल मीडियावर व्हायरल होत आहे.
हा व्हिडिओ पाहून नेटकऱ्यांनीही नवरदेवाचं हे कृत्य संतापजनक असल्याचं म्हटलं आहे. एका यूजरने म्हटलं की नवरदेवाला लाज वाटायला हवी. आशा आहे की नवरी ठीक असेल. नवरीचे आई-वडील हे कृत्य सहन कसं करू शकतात? नवरदेवावर कारवाई व्हायला हवी.
आणखी एका यूजरने लिहिलं हा व्हिडिओ हैराण करणारा आहे. नवरीने या व्यक्तीपासून शक्य तितक्या लवकर वेगळं व्हायला हवं. हे अतिशय धक्कादायक आहे.
