जळगाव तहसील कार्यालयातील शिपाई मगन गोबा भोई (रा. वाघनगर जळगाव) हे संगायो योजनेचे फार्म जमा करतात. संजय गांधी निराधार योजनेंतर्गत लाभार्थींचे फार्म स्वीकारणे व लाभार्थींना शासकीय अनुदान मिळवून देणे हे त्यांचे काम आहे. घटस्फोटीत व निराधार असलेल्या तक्रारदार त्यांच्याकडे आल्यानंतर आरोपीने बुधवारी (२७ जुलै) त्यांच्याकडे आईचे काम करून तीन हजार व तक्रारदाराचे काम करून दोन हजार रूपये मागितले होते.
सापळा रचत पकडले
आधी तक्रारदारांचे काम करून देण्यासाठी २ हजार रूपये मागितल्याने तक्रारदाराने एसीबीकडे तक्रार दिली. त्यानुसार आज (२७ जुलै) दुपारी १ वाजेच्या सुमारास सापळा रचून शिपाई मगन भोई याला लाच स्वीकारताना ताब्यात घेतले. तक्रारदार मुलगी व आईसोबत वास्तव्यास आहेत.
