मिळालेल्या माहितीनुसार, शनिवारी रात्री दोन अज्ञात व्यक्ती अंबरनाथच्या हुतात्मा चौकात असलेल्या एका हॉटेलमध्ये आले होते. त्यानंतर एकाने हॉटेलमध्ये सिगरेट ओढण्यास सुरुवात केली. परंतु, फॅमिली हॉटेल असल्यामुळं वेटर काशिद आणि मालक मराडे यांनी त्या तरुणाला सिगरेट ओढण्यास मनाई केली. त्यानंतर त्या तरुणाने दोघांसोबत वादविवाद करत खिशात असलेल्या चाकूने हल्ला केला. या हल्ल्यात मराडे यांच्या हाताला आणि काशिदच्या पाठीला दुखापत झाली. ही घटना सीसीटीव्हीत कैद झाली असून पोलिसांनी आरोपीला अटक केली आहे.
