भडगाव विधानसभा मतदारसंघाचे शिवसेनेचे आमदार किशोर पाटील यांच्या समर्थनार्थ पाचोरा व भडगाव तालुक्यातील शिवसेना, युवासेना व महिला आघाडीच्या पदाधिकार्यांनी काढलेल्या अभूतपूर्व रॅलीत समर्थकांनी दिलेल्या घोषणांनी शहर दुमदुमले. आमदार किशोर पाटील सुरुवातीपासूनच एकनाथ शिंदे यांच्या गटात सहभागी झाले आहेत. त्यांच्या समर्थनार्थ भव्य रॅलीचे आयोजन करण्यासाठी शिवालय या त्यांच्या संपर्क कार्यालयात पाचोरा व भडगाव तालुक्यातील शिवसेना, युवासेना व महिला आघाडीच्या पदाधिकाऱ्यांची बैठक होवुन त्यात पाचोरा मतदारसंघाच्या परिपूर्ण विकासासाठी आमदार किशोर पाटील यांचे नेतृत्व योग्य असल्याचा विश्वास व्यक्त करत रॅलीत मोठ्या संख्येने सहभागी होण्याचा निर्धार करण्यात आला होता.
आमदार किशोर पाटील यांचे खंदे समर्थक व जिवलग मित्र मुकुंद बिल्दीकर, युवा नेते सुमित पाटील, शहर प्रमुख किशोर बारावकर यांचेसह पदाधिकाऱ्यांनी भव्य रॅलीचे नियोजन करून रॅली यशस्वी केली.
