याबाबत पोलिसांनी दिलेली माहिती अशी की, मृत अल्पवयीन हा वडगाव बुद्रुक येथील पाऊंजाई मंदिर पाठीमागील घुले नगर परिसरात असणाऱ्या मोकळ्या प्लॉटमध्ये एका मैत्रिणी सोबत गप्पा मारत बसला होता. दरम्यान, त्या ठिकाणी एका तरुणाने येऊन त्याच्या डोक्यात बिअरची बाटली आणि झाडाची कुंडी घातली. यात तो गंभीर जखमी होऊन जागीच मृत झाला. घटनेनंतर आरोपी फरार झाला असून पोलीस त्याचा शोध घेत आहेत. प्रेमप्रकरणातून हा खून घडला असल्याची शक्यता पोलिसांनी वर्तविली आहे.
घटनेमुळे परिसरात तणावाचे वातावरण निर्माण झाले होते. या घटनेने पुण्यातील गुन्हेगारी पुन्हा डोकेवर काढत असल्याचे पहायला मिळत आहे.
