विश्रामबाग पोलिस ठाण्याचे वरिष्ठ पोलिस निरीक्षक सुनील माने यांनी दिलेल्या माहितीनुसार, सुदर्शन त्याच्या आई-वडिलांसोबत शनिवार पेठेत राहण्यास होता. त्याचे आई-वडील नोकरीस आहेत. नेहमीप्रमाणे दोघेही सोमवारी कामासाठी बाहेर पडले. सुदर्शन दिवसभर घरी एकटाच होता. आई-वडील सायंकाळी घरी परतले, तेव्हा दरवाजा आतून बंद होता. त्यांनी आवाज दिल्यानंतर प्रतिसाद मिळाला नाही. संशय आल्याने त्यांनी दरवाजा तोडून घरात प्रवेश केला. त्यावेळी सुदर्शनने बाथरुमध्ये गळफास घेतल्याचे निदर्शनास आले. पोलिसांना याबाबत माहिती मिळताच विश्रामबाग पोलिस घटनास्थळी दाखल झाले. शवविच्छेदनासाठी मृतदेह ससून रुग्णालयात पाठविण्यात आला. सुदर्शनच्या आत्महत्येमागील कारण अद्याप समजू शकले नाही
