नेमकं काय घडलं?
प्राप्त माहितीनुसार, पंढरपूर शहरापासून जवळ असलेल्या टाकळी बायपास रोड परिसरात ही धक्कादायक घटना घडली. जखमी महिला तिच्या २१ वर्षीय मुलीला परीक्षेसाठी महाविद्यालयात दुचाकीवरून सोडवण्यासाठी गेली होती. यावेळी भर रस्त्यात देवगाव येथे राहणाऱ्या सागर घाडगे या तरुणाने त्यांची दुचाकी अडवली.
सागर आणि त्याच इतर मित्रांनी तरुणीसोबत तिच्या आईला शिवीगाळ करणे सुरू केले. त्यानंतर तरुणीच्या आईवर धारधार शस्त्राने वार केले. या घटनेत महिला गंभीर जखमी झाली. तिला जखमी अवस्थेत तिथेच सोडून आरोपींनी तरुणीला घेऊन पळ काढला.
दरम्यान, गंभीर जखमी झालेल्या महिलेला परिसरातील नागरिकांनी तातडीने रुग्णालयात दाखल केले. तिथे पोलिसांनी महिलेचा जबाब नोंदवला. या प्रकरणी पोलिसांनी आरोपी सागर याचा शोध घेण्यासाठी एक पथक तैनात केले आहे. आईच्या नजरेसमोरच भरदिवसा एका तरुणीला पळवून नेल्याने परिसरात मोठी खळबळ उडाली आहे.
