धुळे महापालिकेच्या पथकाने स्वच्छ सर्वेक्षण, माझी वसुंधरा अभियानातंर्गत धुळे शहरातील ऊसगल्लीतील दक्षिणमुखी मारोती मंदिराजवळील श्री हरि कृष्णा प्लॉस्टिकच्या दुकानावर छापा टाकत कारवाई केली. दुकानातून तब्बल २ टन प्लॉस्टिक जप्त करण्यात आले आहे. त्याची किंमत दीड ते दोन लाख रूपये आकारण्यात आली आहे.
दुकान मालकाला दंड
दुकान मालक गिरीष वासवाणी यांच्याकडून दंडही वसूल करण्यात येणार आहे. तसेच दंड न भरल्यास थेट पोलिसात गुन्हा दाखल करण्यात येईल; अशी माहिती यावेळी पथकाच्या प्रमुखांतर्फे देण्यात आली आहे. यापुढेही ही कारवाई अशीच सुरू राहणार असल्याचे देखील पालिका प्रशासनातर्फे स्पष्ट करण्यात आले आहे.
